ყოფილი სასტუმრო ,,აიეტის’’ შენობაში მცხოვრებ დევნილებს ერთერთი საერთაშორისო არასამთავრობო ორგანიზაციის წარმომადგენლები შეხვდნენ. ვიზიტის დეტალების გახმაურება მედიასთან მათ არ ისურვეს. დევნილების განცხადებით კი, საერთაშორისო არასამთავრობო ორგანოზაციის წარმომადგენლებმა მათი მონაცემების შესახებ დეტალური ინფორმაცია მიიღეს. "შენობის დატოვება ჩვენთვის ორგზის დევნილობას ნიშნავს", - აცხდებენ სასტუმრო აიეტის შენობაში შესახლებულები. აფხაზეთიდან იძულებით გადაადგილებული 80-მდე ოჯახი იქ მე-17 წელია ცხოვრობს. მათი თქმით, მიუხედავად იმისა, რომ შენობა ავარიულია და სასწრაფოდ გარემონტებას საჭიროებს, მაინც ვერ მოხვდა გასარემონტებელ ობიექტთა ნუსხაში. დევნილების ინფორმაციით, ფოთში არსებული 18 კომპაქტური ჩასახლებიდან სარემონტო სამუშაოები მხოლოდ 13 ჩაუტარდება. ისინი ეჭვობენ, რომ ყოფილი სასტუმრო ,,აიეტის’’ შენობა გასხვისებულია და სწორედ ამიტომ ვერ მოხვდა იგი გასარემონტებელ ობიექტთა ნუსხაში. უფრო მეტიც, როგორც დევნილები აცხადებენ, შესაძლებელია ისინი მალე შენობიდან გაასახლონ კიდევაც, რაც მათთვის მიუღებელია. ამ საკითხზე წერილობით აიეტის მცხოვრებლები ამ დღეებში დევნილთა და განსახლების მინისტრსაც ოფიციალურად მიმართავენ და საპრეზიდენტო არჩევნებამდე მიცემული პირობის შესრულებას კიდევ ერთხელ მოსთხოვენ. ადგილობრივ მთავრობაში კი ინფორმაციას ყოფილი სასტუმრო ,,აიეტის’’ გასხვისებასთან დაკავშირებით, საფუძველსმოკლებულს უწოდებენ. როგორც ფოთის მერი ვანო საღინაძე აცხადებს უახლოეს დღეებში გაირკვევა, თუ როდის მოხდება შენობის რეაბილიტაცია.
ლაშა ზარგინავა
Комментариев нет:
Отправить комментарий